ضلع مظفر نگر میں پنچایت انتخاب لڑنے کے لیے سسورال والوں نے پیسے نہیں دیے تو ایک شخص نے اپنی اہلیہ کو تین طلاق دے کر گھر سے نکال دیا۔ متاثرہ نے پولیس میں اس کی شکایت کی اور اپنے شوہر کے خلاف کاروائی کا مطالبہ کیا ہے۔
بتایا جا رہا ہے کہ ملزم کسان ہے، فی الحال پولیس اس معاملے میں کچھ بھی بولنے سے پرہیز کر رہی ہے۔
متاثرہ خاتون کا نکاہ 2014 میں جڑودا کے احسان کباڑی کے ساتھ ہوا تھا۔ متاثرہ نے الزام عائد کیا کہ نکاح کے بعد سے ہی احسان کم جہیز لانے کی بات کہ کر مار پیٹ کرتا تھا۔ متاثرہ نے بتایا کہ اس کے تین بچے ہیں، جس کی وجہ سے وہ یہ ظلم سہتی رہی تھی۔ متاثرہ نے الزام عائد کیا کہ احسان نے 23 مارچ کو پنچایتی انتخاب لڑنے کے لیے اس سے اپنے مائکے سے 10 لاکھ روپے اور ایک فارچونر گاڑی لانے کا مطالبہ کیا تھا۔ متاثرہ کا الزام ہے کہ جب اس نے ایسا کرنے سے منع کر دیا تو ملزم نے اس کے ساتھ مار پیٹ کر تین طلاق دیتے ہوئے گھر سے نکال دیا۔
اس کے بعد متاثرہ نے اپنے مائکے والوں کے ساتھ مل کر منسور پور تھانے میں ملزم شوہر کے خلاف کاروائی کا مطالبہ کرتے ہوئے شکایت کی۔
