رام داس اٹھاولے نے آج یہاں ایک پریس ریلیز جاری کرکے کہا ہے کہ شیو سینا اور بی جے پی اتحاد آج بھی ہو سکتا ہے، ابھی وقت گیا نہیں ہے۔ ٹھاکرے کے اس بیان پر انہوں نے کہا کہ اب بھی وقت ہے کہ دونوں پارٹیاں ڈھائی سال سال کے فارمولے پر اتحاد کر سکتی ہیں۔
انہوں نے کہا کہ شیو سینا-بی جے پی کا اتحاد ہو ۔اسی شروع سے ہی خواہش تھی ۔ انہوں نے کہا کہ شیو سینا نے مثبت بیان دے کر مستقبل میں بی جے پی کے ساتھ اتحاد کا عندیہ دیا ہے۔
یہ بھی پڑھیں:آصف جاہی دور کے تقریبا دیڑھ سو اسکولوں کی تزئین کاری کی جائے گی: ادھو ٹھاکرے
اٹھاولے نے کہا کہ ٹھاکرے بہت سادہ انسان ہیں ۔ بی جے پی اور شیو سینا کے درمیان ڈھائی ڈھائی سال کے فارمولے پر بات نہیں بننے کی وجہ سے دونوں پارٹیاں ایک ساتھ نہیں آپائیں ۔ انہوں نے کہا کہ کانگریس اور نیشنلسٹ کانگریس پارٹی کے ساتھ ان کا اتحاد ٹھیک نہیں تھا ۔ انہوں نے کہا کہ ٹھاکرے کے وزیراعظم نریندر مودی کے ساتھ بہت اچھے تعلقات ہیں، اس لیے ان کی تجویز ہے کہ دونوں جماعتیں دوبارہ اتحاد کر لیں۔
یو این آئی
