اردو لائبریری ٹرسٹ اور اردو بک سیکرس ایسوسی ایشن کے اشتراک سے منعقد ہونے والے اردو کتاب میلہ کا پہلا پروگرام بروز جمعرات اسکول نمبر ایک میں منعقد ہوا۔ جس میں طالبات نے بڑھ چڑھ کر حصہ لیا۔
خوش نویسی مقابلہ میں ہزاروں طالبات کی شرکت
خوش نویسی مقابلہ کا مقصد طلباء و طالبات میں فن خطاطی کو فروغ دینا ہے۔ آج کے جدید ترقی یافتہ دور میں بچوں کے اندر قلم سے دوستی پیدا کرنا وقت کی اہم ضرورت ہے کیونکہ بچوں میں موبائل اور انٹر نیٹ کی لت عام ہو چکی ہے۔ اس طرح کے خیالات کا اظہار پروگرام کوآرڈینیٹر عبدالحلیم صدیقی نے کیا۔
اردو کتاب میلہ خوش نویسی مقابلہ میں شہر کے معروف فن خطاطوں میں آصف سبحانی، سلیم فائن، فوزان جی آر، مسعود رمضان اور سلیم پھیٹا نے خدمات انجام دی۔ اس مقابلہ کے نتائج اور انعامات کی تقسیم کتاب میلہ کے آخر میں ہوگی۔
