طالبہ کے ساتھ استاذ کی نازیبا حرکت

مہاراشٹر کے بھیونڈی میں طالبہ کے ساتھ نازیبا حرکت کرنے کے الزام میں اہل خانہ نے استاذ کی زبردست پٹائی کردی۔

بھیونڈی کے شیلار علاقے میں واقع ایک اسکول میں زیرِ تعلیم ایک نابالغ طالبہ نے الزام لگایا کہ صبح جب وہ اسکول پہنچی تب کلاس روم میں کوئی موجود نہیں تھا۔ اسکے اکیلے پن کا فائدہ اٹھاتے ہوئے اسکول کے ایک ٹیچر نے اس کے ساتھ نازییا حرکتیں کرنا شروع کردیں۔
طالبہ نے الزام لگایا کہ پرمود نائر نامی استاذ نے اس کے ساتھ فحش حرکت کی۔

لڑکی نےاپنے اہل خانہ کو اس پورے واقعہ کی جانکاری دی، اہل خانہ اسکول پہنچے اور نازیبا حرکت کرنے والے ٹیچر پرمود نایر (45) کی زبردست پٹائی کی۔ اس واقعے کی اطلاع ملتے ہی بھیونڈی تعلقہ پولیس جائے مقام پر پہنچی اور ٹیچر کو حراست میں لیکر اس معاملے کی تفتیش شروع کردی۔