جنوبی ممبئی کے کیمپ کارنر موڑ کے قریب منگل کی صبح ایک 24 سالہ خاتون راہگیر کو سابق کرکٹر صبا کریم کے بیٹے کی کار سے ٹکر لگی۔
یہ واقعہ اس وقت پیش آیا جب صبا کریم اور ان کے بیٹے فدیل صبح 6.30 بجے کے کیمپ کارنر سے جنوبی ممبئی کی طرف جارہے تھے۔
فدیل کریم جب تیسری لین میں، دوسری گاڑی کو عبور کرنے کی کوشش کر رہے تھے کہ اچانک سڑک پار کرنے والی ایک خاتون راہگیر اچانک گاڑی کے سامنے آگئی۔ اس سے پہلے کہ وہ بریک لگاتے کار نے ٹکر مار دی اور خاتون بری طرح زخمی ہوگئی۔
خاتون کی شناخت سدھی ایم کے طور پر ہوئی، انھیں بے ہوشی کی حالت میں قریب ہی واقع جسلوک اسپتال لایا گیا جہاں ان کا علاج چل رہا ہے۔
ذرائع کے مطابق پولیس فدیل کریم کے خلاف مزید کارروائی شروع کرنے سے پہلے خاتون کے ہوش میں آنے اور اس کا بیان ریکارڈ کرنے کا انتظار کر رہی ہے۔
