رنجیت بچن کیس: ایک شخص ممبئی سے گرفتار

رنجیت بچن قتل کیس میں ممبئی سے ایک شخص کوگزشتہ روز گرفتار کیا گیا ہے۔

ہندو مہا سبھا کے رہنما رنجیت بچن کو دو فروری کو لکھنؤ کے حضرت گنج علاقے میں نامعلوم افراد نے گولی مار دی تھی۔
واضح رہے کہ اترپردیش کے دارالحکومت لکھنؤ کے حضرت گنج علاقے میں صبح ٹہلنے کے لئے نکلے ہندو مہاسبھا کے ریاستی صدر رنجیت بچن کو دو بائک سواروں نے 'سی ڈی آر آئی' کے پاس گولی مار کر ہلاک کر دیا تھا۔
اس قتل سے منسلک ایک سی سی ٹی وی سامنے آیا تھا۔

رنجیت بچن کیس: ایک شخص ممبئی سے گرفتار

خیال رہے کہ شیوسینا نے ہندو مہاسبھا کے صدر رنجیت بچن کے قتل کے خلاف تحریک کا انتباہ دیا ہے۔ شیوسینا کے صوبہ سربراہ انل سنگھ نے کہا کہ چھ ماہ کے اندر ریاست کے بڑے مبینہ ’دو ہندوتوادی‘ رہنماؤں کے قتل نے سب کو جھنجھوڑ کر رکھ دیا ہے۔ پہلے کملیش تیواری اور اب رنجیت کا قتل کیا گیا، اس تعلق سے کہا جارہا ہے کہ ریاستی حکومت لاء اینڈ آرڈر میں ناکام ہوچکی ہے لہٰذا وزیراعلیٰ یوگی آدتیہ ناتھ اخلاقی بنیادوں پر استعفیٰ دیں۔ اسی سلسلہ میں ایک شخص کو ممبئی سے گرفتار کیا گیا ہے۔