بی جے پی مہاراشٹر کے ریاستی ایگزیکٹو رکن مہیش شریشریمل نے وزیر اعظم نریندر مودی کے بارے میں ہتک عزت کیس میں ممبئی کے مجسٹریٹ عدالت میں مجرمانہ شکایت درج کی تھی۔ شکایت کنندہ کی درخواست کے تمام ثبوتوں کو دیکھنے اور سننے کے بعد مجسٹریٹ عدالت نے راہل گاندھی کو 3 اکتوبر کو پیش ہونے کے لیے حکم جاری کیا ہے۔
ملک اور بین الاقوامی سطح پر وزیر اعظم نریندر مودی کو بدنام کرنے کی کوشش کی گئی ہے۔ اس سلسلے میں کانگریس رہنما راہل گاندھی نے 'کمانڈر ان چور' "چوروں کا سردار" کے الفاظ استعمال کرتے ہوئے ملک کے وزیر اعظم جیسے بڑے قائد کے بارے میں توہین آمیز الفاظ استعمال کیے۔
واضح رہے کہ نومبر 2018 میں مہاراشٹر یوتھ فرنٹ کے ریاستی وزیر مہیش شریشریمل نے راہل گاندھی کے خلاف میٹرو پولیٹن عدالت میں شکایت درج کروائی تھی۔
کانگریس کے صدر راہل گاندھی نے پہلی بار 20.09.2018 کو راجستھان کے جے پور میں ایک عوامی جلسے میں کہا تھا کہ مودی جی کہتے ہیں "میں ملک کا وزیر اعظم نہیں بننا چاہتا میں ملک کا چوکیدار بننا چاہتا ہوں" اور آج ملک میں ایک نئی آواز آرہی ہے کہ گلی گلی میں شور ہے ہندوستان کا چوکیدار چور ہے۔