مہاراشٹر کے دارالحکومت ممبئی کی جامع مسجد میں خلافت عثمانیہ کے زمانے کا ایک نادر غلاف موجود ہے۔
ترکی میں اس غلاف کا استعمال محمدؐ کے جبہ کو محفوظ رکھنے کے لئے کیا جاتا ہے، جسے ہر برس تبدیل کیا جاتا ہے اور اسے دوسرے ممالک کی مساجد اور اہم اداروں کو بھیجا جاتا ہے۔ یہ غلاف خلافت عثمانیہ کے ذریعہ ممبئی کی جامع مسجد کو بطور ہدیہ بھیجا گیا تھا۔
جامع مسجد کے مفتی اشفاق قاضی نے بتایا کہ بھارت میں دو جگہوں پر یہ غلاف موجود ہے۔ انہوں نے کہا کہ دارالعلوم دیوبند بھی ٹھیک ایسا ہی غلاف موجود ہے۔
بھارت اور اسلامی ممالک کے تعلقات کافی قدیم ہیں۔ یہی وجہ ہے کہ دونوں مماملک کے مابین اس طرح کے تحفہ نہ صرف تعلقات استوار کرتے تھے بلکہ سفارت کا بھی کام کیا کرتے تھے۔ اس کی سب سے بڑی مثال اس طرح کے تحفے ہیں، جو ترکوں کے ذریعہ بھارت کے ایک نہیں بلکہ دو دو اداروں کو دیا گیا تھا۔
خلافت عثمانیہ کے دوران اسلامی تاریخ اور اور حضرت محمدؐ سے متعلق کئی نادر اور نایاب جانکاریاں اور اس زمانے سے جڑی تہذیب کو زندہ جاوید کیا گیا، تاکہ دنیا اس عظیم سلطنت خلافت عثمانیہ اور اسلامی حکومت کے عروج زوال کی حقیقتوں سے روشناش ہو، جس نے دنیا کے تین بر اعظم پر 700 برس حکومت کی۔
