خواتین قوم و ملت کے لیے اپنے بچوں کو لے کر اس مظاہرے میں شامل ہوئیں۔ سنیچر کو 'شاہین باغ' میں خواتین کی اس قدر بھیڑ تھی کہ شامیانہ چھوٹا پڑگیا۔
جس کے بعد خواتین نے منڈپ کے باہر سڑک پر ہی بیٹھ کر اپنا احتجاج درج کراناشروع کردیا، اور شہریت ترمیمی قانون، سی اے اے، این آر سی اور این پی آرکے خلاف زبردست نعرے بازی کی۔
مظاہرے میں شہر اور بیرون شہر کے ساتھ ہی مالیگاؤں سے خواتین کا ایک گروپ بھی شاہین باغ پہنچا۔ ان خواتین نے شہریت ترمیمی قانون کو سیاہ قانون سے تعبیر کرتے ہوئے حکومت سے مطالبہ کیا کہ وہ اس قانون کو فوری طور پر واپس لے۔
اسکولی طالبہ اس مظاہرے میں شرکت کے دوران اپنی پڑھائی کرتی نظر آئیں اور وہ پورے جوش و عزم کے ساتھ نافذ اس سیاہ قانون کی مخالفت کررہی ہیں۔
واضح رہے کہ بھیونڈی پولیس نے بھیونڈی کے شاہین باغ کی ایڈہاک کمیٹی کو ایک نوٹس بھی جاری کیا ہے۔
