'جموں و کشمیر میں کسی بھی طرح کا کرفیو نہیں'

مرکزی وزیر برائے اقلیتی امور مختار عباس نقوی نے ممبئی میں ایک پرگرام میں شرکت کے بعد میڈیا سے مخاطب ہوکر کہا کہ 'جموں و کشمیر میں کوئی بھی پریشان نہیں ہے۔'

جنوبی ممبئی کے جامنی محلہ میں واقع کھتری محل میں وزیر برائے اقلیتی امور مختار عباس نقوی بی جے پی کے امیدوار کی انتخابی ریلی میں شرکت کرنے کے لیے پہنچے تھے جہاں انہوں نے ان خیالات کا اظہار کیا۔

واضح رہے کہ جامنی محلہ مسلم اکثریتی علاقہ ہے اور ہمیشہ سے یہ سیٹ کانگریس کے قبضہ میں رہی ہے۔

وزیر اقلیتی برائے مملکت امور مختار نقوی نے میڈیا سے بات کرتے ہوئے کہا کہ جموں وکشمیر میں کسی بھی قسم کا کوئی کرفیو نافذ نہیں ہے اور نہ ہی کسی کو کوئی پریشانی ہے۔

انہوں نے مزید کہا کی وہاں پر نیٹ کی ساری سہولتیں بھی مہیا کرا دی گئی ہیں لیکن کچھ جگہوں پر احتیاطا روک کر رکھی گئی ہے اور حج کے لیے آن لائن فارم بھی بھر سکتے ہیں ۔

لیکن انھوں نے کشمیر میں گمشدہ بچوں کی رپورٹ پر لا علمی کا اظہار کیاہے۔