ریاست مہاراشٹر کے مسلم اکثریتی شہر ممبرا میں ایک ماہانہ رسالہ نے آن لائن ڈرائنگ مقابلہ کا انعقاد کیا اس میں ملک بھر سے بچوں نے حصہ لیتے ہوئے اپنے فن کا مظاہرہ کیا۔ اس آن لائن درائنگ مقابلے میں ملک بھر سے 1 ہزار 344 بچوں نے حصہ لیا، مقابلے میں کامیاب ہونے والے بچوں کو ان کی حوصلہ افزائی کے لیے انعام و سر ٹیفیکٹ سے نوازا گیا۔
'جنت کے پھول رسالہ' کی جانب سے ڈرائنگ مقابلے میں جیتنے والے ممبرا کے بچوں کے لئے رابعہ ٹرسٹ کے دفتر شریفہ روڈ پر ایک تقریب کا انعقاد کیا گیا جہاں رسالہ کے مدیر اعلیٰ عنایت اللہ فلاحی نے کہا کہ' لاک ڈاؤن کے دوران ہم نے بچوں کے درمیان کئی انعامی مقابلے کرائے، جیسے کہانی کا مقابلہ، انگلش میڈیم والوں کے لئے کوئز مقابلہ اور اس کے بعد اب یہ ڈرائنگ مقابلہ، جس میں ملک بھر سے 1 ہزار 344 طلبہ نے شرکت کیا، اس مقابلے میں تین گروپ تھے ان میں سے30 بچوں کو اول انعام سے نوازا گیا۔
انہوں نے کہاکہ' اول انعام پانے والے طلبہ میں کچھ بچے ممبرا کے بھی تھے جنہیں یہاں بلا کر انعامات سے نوازا گیا اور دیگر ریاستوں کے بچوں کے انعامات بذریعہ ڈاک بھیجا دیا گیا ہے۔
اس دوران سید زاہد علی جناب نے کہاکہ' جنت کے پھول رسالے کے مدیر عنایت اللہ فلاحی کی جانب سے آل انڈیا سطح کا انعامی مقابلہ کرانا واقعتا قابل فخر کی بات ہے۔
پروگرام میں موجود معلم شیخ عرفان نے کہا کہ' کورونا وبا کے دوران بڑے تو کیا بچے بھی ذہنی طور پر خفت محسوس کرنے لگے تھے ایسے میں رسالے کی جانب سے یہ مقابلہ کرانا جس میں میری بیٹی نے بھی حصہ لیا اور تیسرا انعام حاصل کیا ہے قابل تعریف ہے۔ مقابلے سے بچوں میں ایک نیا جوش پیدا ہواہے
مزید پڑھیں:
میگا آئیکن سیزن 2 میں مشہور شخصیات کی کہانیاں ہوں گی شامل
اس دوران ممبرا کے معروف سیاسی کارکن عبدالغفور رومانی نے کہا کہ'جنت کے پھول رسالہ' کے مدیر عنایت اللہ فلاحی نے لاک ڈاؤن میں جو کام کیاہے وہ قابل تعریف ہے۔ اس وبائی صورتحال کے دوران انہوں نے بچوں سے رابطہ کیا ان کے لیے مقابلے کا پروگرام منعقد کرایا، انہیں انعامات و سرٹیفیکٹ سے نوازا ان کی حوصلہ افزائی فرمائی، واقعتا یہ قابل ستائش ہے۔
