اس معاملے میں بینک کی کروڑوں روپے کی رقم کے غیر قانونی لین دین کو لیکر انفورسمنٹ ڈائریکٹوریٹ نے مقدمہ درج کیا تھا لیکن وہ ملزمین کے خلاف مقررہ مدت 60 دنوں میں چارج شیٹ داخل کرنے میں ناکام رہی اسی کو بنیاد بناکر عدالت نے ملزمین کو ضمانت دے دی ۔
جسٹس بھارتی ڈونگرے نے درخواست ضمانت کو منظور کرتے ہوئے ملزمین کو ایک لاکھ کی ضمانت دینے کے علاوہ انھیں پاسپورٹ تفشیشی ایجنسی کے حوالے کرنے کی ہدایت دی ۔
یہ بھی پڑھیں: ممبئی میں موسلادھار بارش سے عام زندگی مفلوج
دونوں ملزمین فی الوقت جیل میں قید ہیں حالانکہ آج عدالت نے انکی درخواست ضمانت منظور کر لی ہے لیکن وہ جیل میں ہی رہیں گے کیونکہ ان پر سی بی آئی نے بینک کے فراڈ کے تعلق سے بھی ایک اور مقدمہ درج کیا ہے۔
