اطلاع کے مطابق بی ایم سی نے دو دن قبل شہر میں کورونا وائرس متاثرہ علاقوں کی جی آئی ایس میپنگ کے ساتھ ساتھ اس وائرس کی روک تھام اور اس کی نگرانی کے لیے ایک خاص کنٹرول روم بھی تیار کرنے کی بات کی تھی۔
نقشوں کی مدد سے ان متاثرہ علاقوں میں جانے والے دیگر افراد بھی اس نقشےکی مدد سے مختلف احتیاطی تدابیر برت سکیں گے۔
اس تعلق سے شہری چیف پروین پردیشی نے ایک پریس ریلیز میں بتایاکہ جن علاقوں میں کورونا وائرس کے معاملات زیادہ ہیں ان کے نقشے بی ایم سی کی ویب سائٹ پر پوسٹ کیے جائیں گے۔
بی ایم سی نے اپنے ڈیزاسٹر کنٹرول یونٹ میں ایک '' کورونا وار روم '' تشکیل دیا ہے، جو چوبیس گھنٹے کام کرتا رہے گا اور وبائی امراض کی منصوبہ بندی اور اس کی روک تھام کے لیے مختلف سرگرمیاں کی جائیں گی۔
مہاراشٹرا کے وزیر اعلی ادھو ٹھاکرے نے دو سینئر آئی اے ایس افسران اشوینی بھیڑے اور ڈاکٹر رام سوامی این کو ملک کی دارالحکومت میں مہلک بیماری کے پھیلاؤ پر قابو پانے کے لئے بھیجا ہے۔
بی ایم سی نے ممبئی میٹرو ریل کارپوریشن لمیٹڈ (ایم ایم آر سی ایل) کے سابق منیجنگ ڈائریکٹر اس کنٹرول روم کے کوآرڈینیٹر کے طور پر کام کریں گے جو کورونا وائرس سے متعلق اعداد و شمار کو جمع اور تجزیہ کرے گا۔
واضح رہے کہ بی ایم سی نے کورونا وائرس کے پھیلاؤ سے بچنے کے لئے شہر بھر میں 146 کنٹینمنٹ ژون کی حد بندی کی ہے۔ اب تک ممبئی شہر میں 181 کوویڈ-19 کے مثبت کیسیز درج کئیے گئے ہیں
مزید پڑھیں:' پانچ اپریل کو گھر کی تمام لائٹز بند رکھیں'
ممبئی میونسپل کارپوریشن (بی ایم سی) نے پورے شہر میں 145 سے زیادہ "کنٹینٹ زون" کی نشاندہی کی ہے اور کورونا وائرس کو پھیلنے سے بچانے کے لئے پولیس کی مدد سے ان میں سے کچھ کو مکمل طور پر سیل کردیا ہے۔
