ریاست مہاراشٹر کے دارالحکومت ممبئی میں 31 صحافیوں کے کووڈ 19 کے ٹیسٹ دوسری بار منفی آنے کے بعد انہیں ڈسچارج کر دیا گیا ہے۔
برہن ممبئی میونسپل کارپوریشن نے بتایا کہ '31 صحافیوں کی کووڈ 19 ٹیسٹ رپورٹ دوسری بار منفی آنے کے بعد انہیں ڈسچارج کر دیا گیا ہے۔ تمام صحافیوں کو 14 روز کے لیے قرنطینہ میں رہنے کا مشورہ دیا گیا ہے۔'
پیر کے روز 53 صحافیوں کی کووڈ 19 ٹیسٹ رپورٹ مثبت آئی تھی، ان میں یہ 31 صحافی شامل ہیں جن کی دو بار کووڈ 19 کی ٹیسٹ رپورٹ منفی آئی ہے۔'
مرکزی وزارت برائے صحت اور خاندانی فلاح و بہبود کے مطابق مہاراشٹر میں اب تک کووڈ 19 کے 7628 مثبت کیسز رپورٹ ہوئے ہیں جن میں سے 1076 افراد کو علاج کے بعد ڈسچارج کر دیا گیا ہے جبکہ 323 افراد کی موت ہوئی ہے۔
