تاج محل ہوٹل کو اڑانے کی دھمکی آمیز کال موصول ہونے کے بعد آج مہاراشٹر کے وزیر داخلہ انل دیشمکھ نے حفاظتی اقدامات کے پیش نظر ممبئی پولیس کے اعلیٰ عہدیداروں سے تبادلہ خیال کیا۔
واضح رہے کہ کل پاکستان کے شہر کراچی سے ممبئی کے 5 اسٹار ہوٹلز کے مشہور گروپ تاج گروپ آف ہوٹلس کو دھمکی آمیز کال موصول ہونے کے بعد ممکنہ خطرے کے پیش نظر سخت حفاظتی بندوبست کیا گیا ہے۔
انل دیشمکھ نے اس تعلق سے شہر میں سیکیورٹی انتظامات کا جائزہ لیا۔ اور انہوں نے ممبئی پولیس کمشنر و ڈائریکٹر جنرل پولیس (ڈی جی پی) کے ساتھ انتظامات پر تفصیلی بات چیت کی۔
ممبئی پر بھارت کے عسکریت پسندانہ حملے کے 12 سال بعد اب تاج محل ہوٹل کو اڑانے کی دھمکی آمیز کال کے بعد دہشت گردی کے خطرے کے تناظر میں انتطامات کا جائزہ لے کر انل دیشمکھ نے متعلقہ عہدیداروں کو ہدایات دیں۔
انھوں نے اپنے ٹویٹ میں کہا کہ'میں نے ڈی جی پی مہاراشٹرا اور ممبئی پولیس کمشنر دونوں کے ساتھ سکیورٹی انتظامات کو بہتر بنانے کے بارے میں تفصیلی بات چیت کی ہے۔
