میونسپل سکریٹری انل پردھان کے ذریعہ فراہم کردہ اطلاع کے مطابق آئندہ پانچ دسمبر کو ہونے والا میئر کا الیکشن ممبئی(مضافات)کے کلکٹر شیواجی جوندھلے کی صدارت میں منعقد ہوگا۔
میئرکے عہدے کے خواہاں امیدواروں کے نامزدگی کا عمل 30 نومبر سے شروع ہوگا۔اگرچہ ذرائع کے مطابق مخصوص حالات میں اندراج اور انتخابات کی تاریخوں میں تبدیلی بھی ہو سکتی ہے۔
واضح رہے کہ 90 کارپوریٹر والی بھیونڈی میونسپل کارپوریشن میں کانگریس کے 47 بھارتیہ جنتا پارٹی کے 19 شیوسینا کے 12 کونارک اگھاڑی 4 آر پی آئی (ایکتاوادی) کے 4، سماج وادی دو اور دو آزاد کارپوریٹر ہیں۔ موجودہ وقت میں میئر کا عہدہ کانگریس اور ڈپٹی میئر کا عہدہ شیو سینا کے پاس ہے۔
واضح اکثریت کے بعد بھی کانگریس نے بھیونڈی میونسپل کارپوریشن کے اقتدار میں شیوسینا کو ساتھ لیا تھا۔ اب ریاست میں ہونے والے ریاستی سطح کے اتحاد سے اس بات کے امکانات ہیں کہ شیوسینا کانگریس کا ساتھ دیگی۔
