عالمی یوم معذور کے موقع پر ہزاروں کی تعداد میں معذور افراد اپنے حق و انصاف کے لیے ایک احتجاجی ریلی کا انعقاد کرنے جارہے ہیں۔ ہفتہ کی شب ،دیویانگ ایجوکیشن اینڈ ویلفئیر کے زیر اہتمام منعقدہ پروگرام میں اس کا اعلان کیا گیا۔
پروگرام کی صدارت معروف سماجی کارکن،شفیق ہندوستان والا،نے کی۔ اس پروگرام میں بطور مقرر رائے گڑھ سے تشریف لائے ریسرچ اسکالر اسماعیل زکریہ کالسکر نے خطاب کیا۔ انھوں نے کہا کہ وہ گزشتہ 12 برسوں سے معذوروں پر ریسرچ کر رہے ہیں اور انھوں نے معذوروں کی زندگی، حالات، مسائل و حل پر ایک کتاب مرتب بھی کی ہے۔ جس کا عنوان ،خصوصی ضروریات کے حامل طلباء، ہے۔
پروگرام میں مہمان خصوصی ڈاکٹر سید ساجد، ڈاکٹر سہیل، ڈاکٹر راکیش ، عبدالماجد سینٹرو، اقبال احمد اور نعیم احمد نے شرکت کی۔ اس کے علاوہ پروگرام میں شہر بھر سے آئے ہوئے ہندو مسلم طبقےکے معذوروں نے سینکڑوں کی تعداد میں شرکت کی۔
