فرضی محصول اسٹیمپ کے اس معاملے کا پردہ فاش کرتے ہوئے تقریباً ڈیڑھ کروڑ روپے کے مالیت کے فرضی اسٹیمپ برآمد کیے گئے۔
کروڑوں روپے کا فرضی محصول اسٹیمپ برآمد
پولیس کے مطابق اس غیرقانونی کاروبار میں ملوث ملزمین سنہ 2015 سے اس کام انجام دے رہے تھے۔
ڈپٹی پولیس کمشنر کرائم دیپک دیوراج کے مطابق یہ ملزمین مائننگ کا کاروبار کرنے والے افراد کو یہ بوگس اسٹیمپ فروخت کرنے کا کام کرتے تھے۔
پولیس کے مطابق 2015 سے اب تک اس گروہ نے حکومت کو اربوں روپے کا فرضی محصول اسٹیمپ فروخت کر اقتصادی نقصان پہنچایا ہے۔ تفتیش کر رہی تھانے کرائم برانچ کی ٹیم اس بات کی بھی تحقیقات کر رہی ہے کہ محصول محکمہ کے بڑے افسران بھی اس گروہ میں شامل ہیں یا نہیں۔
پولیس کے مطابق بغیر اعلیٰ افسران کی شمولیت کے اس طرح حکومت کو اربوں روپے کا نقصان پہنچانا ممکن نہیں ہے۔
