موصولہ اطلاعات کے مطابق کچھ روز قبل کورونا سے متاثرہ مریض سے رابطے میں آنے کے بعد اوہاڑ نے اپنا ٹیسٹ کروایا تھا جس کی رپورٹ منفی آنے کے باوجود حفظ ماتقدم کے طور پر انہوں نے اپنے آپ کو گھر میں ہی قرنطینہ میں رکھا تھا۔
گزشتہ ایک ہفتے سے وہ گھر پر ہی تھے۔ منگل کو انہیں اچانک تیز بخار آیا جس کے بعد انہیں تھانہ کے جیوپیٹر اسپتال میں داخل کرایا گیا مگر بدھ کی صبح انہیں دوبارہ فورٹیس اسپتال میں داخل کرایا گیا ہے۔
دراصل جتیندر اوہاڑ نے حال ہی میں ایک ایسے پولیس اہلکار سے ملاقات کی تھی جس کی کورونا کی رپورٹ مثبت آئی تھی۔ اس کے بعد سے ہی اوہاڑ نے احتیاطی طور 14 دنوں کے لیے اپنے آپ کو گھر میں ہی قرنطینہ کے سپرد کرنے کا فیصلہ کیا تھا مگر اچانک ان کی طبیعت بگڑنے کے بعد ان کا کورونا ٹیسٹ دوبارہ کیا جائے گا۔
واضح رہے کہ جتیندر اوہاڑ ممبرا، کلوا ودھان سبھا سے رکن اسمبلی ہیں۔ ان کے ودھان سبھا حلقہ میں ممبرا پولیس اسٹیشن کے سینیئر پولس انسپکٹر سمیت کچھ پولیس اہلکاروں کے کورونا ٹیسٹ مثبت آنے کے بعد ان کے بنگلے پر کام کرنے والے کچھ محافظین، صفائی کامگار وں اور این سی پی کے رہنماوں کا بھی کورونا ٹیسٹ کرایا گیا۔ ان کی رپورٹ آنے کے بعد انہیں اسپتال میں داخل کیا گیا۔
