انہوں نے مقامی لوگوں پر زور دیا کہ وہ اس بیماری کے پھیلاؤ کو روکنے کے لیے گھر پر ہی رہیں اور پولیس سے تعاون کریں۔
انل دیشمکھ نے ڈرون سے منسلک لاوڈ اسپیکر سے اعلان کیا کہ ڈرون کا استعمال گنجان آبادی والے علاقوں میں نظر رکھنے کے لیے کیا جا رہا ہے۔
انہوں نے کہا کہ 'ڈرونز کو اس طرح گنجان آبادی والے علاقے میں استعمال کیا جائے گا تاکہ لوگوں کو یہ ہدایت دی جا سکے کہ وہ پولیس کا تعاون کریں اور بلاوجہ اپنے گھروں سے باہر نہ نکلیں۔ انہیں صرف سبزیاں اور کھانے کے اناج خریدنے کے لیے باہر نکلنا چاہئے۔'
وزیر داخلہ نے نامہ نگاروں کو بتایا کہ 'لوگوں کو گھر پر رہ کر محفوظ رہنا چاہیے۔ برہن ممبئی میونسپل کارپوریشن کے جی ساؤتھ وارڈ نے پیر تک 300 سے زیادہ کورونا وائرس کے معاملات کی اطلاع دی ہے۔ اس وارڈ میں کولی واڑہ علاقہ بھی شامل ہے۔'
