مہاراشٹر کے وزیر اعلیٰ ادھو ٹھاکرے کو ودھان پریشد کا رکن نامزد کرنے کے لیے ریاستی کابینہ نے 20 روز قبل گورنر کو ایک سفارش بھیجی تھی لیکن اب تک ان کو نامزد نہیں کیا گیا ہے۔ ٹھاکرے کو ایم ایل سی نامزد کرنے میں کیا دشواری پیش آ رہی ہے؟ یہ ریاست کے عوام کو بتائیں۔ اس بابت مختلف سیاسی جماعتوں کے رہنماوں نے گورنر بھگت سنگھ کوشیاری کو مکتوب لکھا ہے۔
خط میں کیا لکھا ہے؟
ملک بھر میں کورونا وائرس کی مہلک وبا پھیلنے کے دوران مہاراشٹر میں وزیر اعلیٰ ادھو ٹھاکرے کی قیادت میں انتظامیہ، اس وبا کو روکنے کی کوششوں میں مصروف ہے۔ ایسی صورتحال میں وزیر اعلیٰ کے عہدے کے تعلق سے شبہ یا بے چینی کا رہنا مناسب نہیں ہے۔ ریاستی کابینہ کی جانب سے انہیں ایم ایل سی نامزد کرنے کی سفارش کر کے آج 20 روز گرز چکے ہیں لیکن اب تک آپ کے فیصلے کی اطلاع عام لوگوں کو نہیں ملی ہے۔
ادھو ٹھاکرے کی نامزدگی کے تعلق سے فوری طور پر فیصلہ لے کر انہیں کورونا کے خلاف جنگ لڑنے میں توجہ مرکوز کرنے کی بات آپ کی جانب سے ریاست کے سربراہ ہونے کے سبب کہنے کی امید لوگوں کو ہے۔
خط میں مزید کہا گیا ہے کہ آپ کی طرف سے فیصلہ نہیں کرنے کے پیچھے کونسی تکنیکی دشواری ہے، ریاستی کابینہ کی طرف سے بھیجی گئی تجویز میں کیا اعتراض ہے یا کیا کمی ہے اور اس کی وجہ سے فیصلہ کرنے میں تاخیر ہو رہی ہو تو یہ بھی ریاست کے عوام کو پتہ چلنا چاہیے۔ مذکورہ مطالبہ اس خط میں کیا گیا ہے۔
