مہاراشٹر: پالگھر میں کیمیکل یونٹ میں دھماکہ

ریاست مہاراشٹر کے ضلع پالگھر میں ایک کیمیائی یونٹ میں ہونے والے دھماکے اور اس کے بعد آگ لگنے کے نتیجے میں دو مزدور ہلاک ہو گئے۔

ڈیزاسٹر کنٹرول سیل کے چیف وویکانند کدم نے بتایا کہ 'بوئیسر انڈسٹریل ایریا میں واقع گیلیکسی سرفیکٹنٹ کے احاطے میں یہ حادثہ دوپہر میں بارہ بجے پیش آیا۔'

انہوں نے بتایا کہ 'اس حادثے میں دو مزدور ہلاک ہو گئے جبکہ ایک مزدور شدید طور پر زخمی ہوا ہے۔'

مقامی لوگوں نے بتایا کہ 'انہیں یونٹ سے تیز آواز سنائی دی۔ دوپہر کے وقت زخمی مزدوروں کو اسپتال پہنچایا گیا۔

متعلقہ افسر نے بتایا کہ 'دھماکے کی وجہ کا اب تک پتہ نہیں چل سکا ہے۔'