مہاراشٹر میں کورونا وائرس انفیکشن کی روک تھام کے لئے پابندی عائد کی گئی ہے، لیکن اس کے باوجود انفیکشن کم نہیں ہورہا ہے۔ ایسے میں مہاراشٹرا میں مکمل لاک ڈاؤن کا امکان بڑھ گیا ہے۔
مہاراشٹر کے وزیر صحت راجیش ٹوپے نے منگل کو بتایا ہے کہ کابینہ کے اجلاس میں وزیر اعلیٰ ادھو ٹھاکرے سے لاک ڈاؤن کا مطالبہ کیا گیا ہے۔ ادھو ٹھاکرے جلد ہی بدھ کے روز آٹھ بجے رات سے لاک ڈاؤن لگانے کے سلسلے میں اعلان کرسکتے ہیں۔
انہوں نے کہا کہ ریاست کے تمام وزرا نے ادھو ٹھاکرے سے اپیل کی ہے کہ وہ لاک ڈاؤن کے بارے میں جلد ہی فیصلہ کریں۔
مہاراشٹرا حکومت نے آج ریاست میں سبھی ضروری سامان کی دکانوں کو صبح سات سے گیارہ بجے تک کھولنے کی اجازت دی ہے۔
(یو این آئی)
