ریاست مہاراشٹر کے تمام اضلاع میں عید میلاد النبی صلی اللہ علیہ وسلم کی مناسبت سے جلوس کو اجازت دی گئی لیکن ممبئی کے خلافت ہاؤس کے جلوس کی اجازت مشروط کر دی گئی ہے۔ اس میں دس شرکاء نے ہی شرکت کی۔ کورونا وبا کے باعث ممبئی میں حکم امتناعی نافذ ہے۔
ریاستی حکومت نے گیارہ نکاتی گائیڈ لائن جاری کی جس میں مہاراشٹر سرکار نے عید میلاد النبی صلی اللہ علیہ وسلم کی گائیڈ لائن میں جلوس محمدی پر پابندی عائد کر دی۔ ممبئی میں صرف ایک ہی جلوس کو اجازت دی گئی ہے۔
اس کے علاوہ ہر اضلاع میں ایک جلوس کو اجازت دی گئی ہے۔ صرف خلافت کے تاریخی جلوس کو اس سے مستثنی رکھا گیا اور اسے مشروط اجازت دی گئی ہے جو ریاست کے تمام جلوسوں کی نمائندگی کریگا۔
خلافت ہاؤس کے تاریخی جلوس کے لئے دس شرکاء کو ایک ٹرک میں سوار ہوکر شامل ہونے کی اجازت دی گئی اور آج وہ جلوس حکومتی گائیڈ لائن کو ملحوظ رکھتے ہوئے نکالا گیا۔ گیارہ نکاتی گائیڈ لائن میں خلافت ہاؤس میں پانچ افراد کے مذہبی رسومات اور تقریب منعقد کرنے کی بھی اجازت دی گئی ہے۔ خلافت ہاؤس پر بھیڑبھاڑ جمع کرنے پر مکمل پابندی ہے۔
یہ بھی پڑھیں: ایشیاء کے سب سے بڑے ٹراؤٹ فش فارم میں عملے کا فقدان
مسلمانوں میں جلوس کو لے کر اضطراب تھا اس لئے ریاستی سرکار نے صرف ایک جلوس کو اجازت دی ہے اور خلافت کی قدیم روایت کو بر قرار رکھا ہے۔ اس جلوس کی قیادت علما کرام نے کی جبکہ چئیرمین خلافت کمیٹی سر فراز آرزو جلوس کی نمائندگی اور رہنمائی کرتے نظر آئے۔
خلافت ہاؤس کے جلوس میں پولیس کا بھاری بندوست رہا اور دس سے زائد نفوس نے جلوس میں شرکت نہیں کی۔ اس لئے پولس نے مسلمانوں سے پہلی ہے اپیل کی تاے کہ وہ جلوس میں شامل ہونے کی غرض سے خلافت ہاؤس میں جمع نہ ہوں۔
