ریاست مہاراشٹر کے سانگلی اور اس سے متصل کولہا پور ضلع میں کورونا وائرس کی حالت کا جائزہ لینے آئے وزیر داخلہ انل دیشمکھ نے نامہ نگاروں سے گفتگو کے دوران کہا کہ شیوسینا، نیشنلسٹ کانگری پارٹی (این سی پی)اور کانگریس اتحاد کی ’مہا وکاس اگھاڑی‘ حکومت نے ریاست کی دوسری دارالحکومت ناگپور کی شبیہ کو پھر سے قائم کیا ہے، جسے پہلے نہ صرف مہاراشٹر بلکہ ملک کے جرائم کی دارالحکومت کے طور پر دیکھا جارہا تھا۔
انہوں نے کہا کہ سابقہ حکومت میں دیویندر فڑنویس کے پاس وزارت داخلہ کی ذمہ داری بھی تھی اور ان کے دور میں ناگپور میں جرائم کا گراف کافی بڑھ گیا تھا۔
حال ہی میں ناگپور میں آنگن باڑی اہلکاروں پر حملے کے بارے میں پوچھے جانے پر انہوں نے کہا کہ حملہ آوروں کو بخشا نہیں جائےگا۔
پتنجلی کے کورونل دوا کی تشہیر پر روک کے سلسلے میں انہوں نے کہا کہ کمپنی نے کھانسی اور بخار کی بیماری میں بیماریوں سے لڑنے والی دوا بنانے کے لیے لائسنس کی درخواست دی تھی لیکن اس دوا کو کورونا کی دوا کے طور پر پیش کیا گیا جبکہ اس کے لیے آیوش اور آئی سی ایم آر سے کوئی اجازت نہیں لی گئی تھی۔
