ریاست مہاراشٹر کے دارالحکومت ممبئی میں اب حج ہاؤس نے ایک نئی پہل شروع کی ہے۔
واضح رہے کہ اب ریاست میں 'راجیہ الپ سنکھیک اھیکاری کرمچاری ایسوسی ایشن' کی جانب سے اور مرکزی حج کمیٹی کے اشتراک سے مہاراشٹر پبلک سروس کمیشن (ایم پی ایس سی) یونین پبلک سروس کمیشن (یوپی ایس سی) کی مفت میں تیاری کروائی جائے گی جس کے لیے فارم بھرنے کی آخری تاریخ 25 مارچ رکھی گئی ہے۔
خواہشمند طلبا و طالبات اس تاریخ تک آن لائن درخواست فارم بھر سکتے ہیں۔
خیال رہے کہ فارم بھرنے کے بعد 28 مارچ کو تحریری امتحان ہوں گے اور 30 مارچ کو امتحانات کے نتائج کا اعلان کیا جائے گا جبکہ تین اور چار اپریل کو انٹرویو اور اٹھ اپریل کو فائنل نتائج کا اعلان کیا جائے گا۔
حج ہاؤس اور راجیہ الپ سنکھیک اھیکاری کرمچاری ایسوسی ایشن نے ایم پی ایس سی امتحان میں شرکت کرنے والے خواہشمند طلبا و طالبات سے جلد از جلد فارم بھرنے کی اپیل کی ہے۔
