دور حاضر میں شعبہ صحافت میں موثر اور غیر جانبدار نوجوان صحافیوں کی بہت ضرورت ہے۔ پرنٹ میڈیا کے علاوہ الیکٹرونک و شوسل میڈیا سماجی زندگی میں بہت اہم کردار ادا کر رہے ہیں۔
اس سلسلے میں مہاتما گاندھی ویدیا مندر میں شعبہ اردو فارسی کی جانب سے تین برس سے مفت جرنلزم کورس کا انعقاد کیا جا رہا ہے۔ آج بروز پیر دوپہر بارہ بجے سٹی کالج میں بعنوان " الیکٹرانک اینڈ ریڈیو جرنلزم" پر خصوصی لیکچر کا انعقاد کیا گیا۔
پروگرام کے اخیر میں پروفیسر مبین نذیر (سٹی کالج) نے ای ٹی وی بھارت کے نمائندہ سے بات چیت کرتے ہوئے متعدد معلومات فراہم کی۔
اس پروگرام کی صدارت وائس پرنسپل ڈاکٹر شکیب اور نظامت پروگرام کو آرڈینیٹر پروفیسر مبین نذیر نے کی۔ اس پروگرام میں مالیگاؤں ایف ایم ریڈیو کے ریڈیو جاکی جئے سونونے کو بطور مہمان مدعو کیا گیا۔ آر جے جئے سونونے نے ریڈیو جرنلزم پر طلبہ سے خطاب کیا اور ریڈیو ایف ایم کے بارے میں معلومات فراہم کیں۔ نیز ریڈیو میں بطور ناظم اور جرنلسٹ کے روزگار کے مواقع کے بارے میں بھی طلبہ کی رہنمائی کی۔
الیکٹرانک اینڈ ریڈیو جرنلزم کے اس خصوصی لیکچر میں سٹی کالج میں گریجویشن میں زیر تعلیم طلباء و طالبات نے شرکت کی۔
