ممبئی: ریلوے پاس کے لئے جعلی کیو آر کوڈ بنانے والا شخص گرفتار

لاک ڈاؤن کے درمیان ممبئی میں لوکل ٹرین چلانے کی اجازت دے دی گئی ہے، مسافر کیو آر کوڈ کے ذریعے پاس بنا کر سفر کر رہے ہیں، ایسے میں پولیس نے ایک جعلی کیو آر کوڈ بنانے والے شخص کو گرفتار کیا ہے۔

ریاست مہاراشٹر کے دارالحکومت ممبئی میں لاک ڈاؤن کے دوران لوکل ٹرینوں کے پاس کیو آر کوڈ کے بنا ملنا مشکل ہے، ان حالات کے پیش نظر فرضی کیو آر کوڈ بنا کر مسافروں کو 500 سے 1000 روپے میں بیچنے والے ایک شخص کو ممبئی کے وڈالا جی آر پی نے گرفتار کیا ہے۔ملزم انٹاپ ہل علاقے کا رہنے والا ہے۔

ذرائع کے مطابق وڈالا جی آر پی نے 2 فرضی کیو آر کوڈ کے ذریعے پاس لینے والے 2 افراد سے پوچھ تاچھ کی جس کے بعد اصل ملزم کے بارے میں پتا چلا ۔کارروائی کرتے ہوئے پولیس نے ملزم کو گرفتار کر لیا ہے۔

آپ کو بتا دیں کہ' عالمی وبا کورونا وائرس کے سبب ممبئی کے لوکل ٹرینوں میں محدود مسافروں کو ہی سفر کرنے کی اجازت ہے ایسے میں جعلی کیو آر کوڈ بنانے والے لوگوں کے ساتھ دھوکہ دہی کرتے ہیں۔

حالانکہ 15 اکتوبر سے حکومت نے لوکل ٹرینوں میں عام مسافروں کو سفر کرنے کی اجازت دے دی ہے، اس حالات کے پیش نظر کو دیکھ کر جعلی کیو آر کوڈ بنانے والی گینگ سرگرم نظر آرہے ہیں۔