ممبئی: 21 اپریل سے گھریلو و بین الاقوامی پروازیں ٹرمنل 2 سے آپریٹ کرنے کا فیصلہ

مہاراشٹر میں کورونا کو پھیلنے سے روکنے کے لیے ممبئی کے چھترپتی شیواجی مہاراج بین الاقوامی ہوائی اڈے (سی ایس ایم آئی اے) نے ٹرمنل - 1 سے آپریٹ ہونے والی تمام گھریلو پروازوں کو پھر سے بند کرنے اور 21 اپریل سے تمام گھریلو اور بین الاقوامی خدمات کو ٹرمنل - 2 سے آپریٹ کرنے کا فیصلہ کیا ہے۔

چھترپتی شیواجی مہاراج بین الاقوامی ہوائی اڈے کے افسران نے گو ایئر، اسٹار ایئر، ایئر ایشیا، ٹروجیٹ اور انڈگو ایئرلائنس میں بکنگ کرنے والے تمام مسافروں سے درخواست کی ہے کہ 'وہ آگے کی اطلاعات کے لیے اپنے متعلقہ ایئرلائنس سے رابطہ کریں'۔

سی ایس ایم آئی اے نے یقین دہانی کروائی ہے کہ وہ کورونا وائرس کو پھیلنے سے روکنے کے لیے مرکز اور مہاراشٹر حکومت کی جانب سے جاری تمام کووڈ - 19 اور دیگر ہدایات پر سختی سے عمل درآمد کر رہا ہے۔