کسٹم افسران کی گرفت میں خاتون، تقریباً نصف کلو سونا ضبط

ممبئی میں دبئی سے آرہی ایک خاتون کی تحویل سے تقریباً نصف کلو سونا ضبط کیا ہے، ملزم خاتون کاربن پیپر میں سونا چھپاکر لے جانے کی کوشش کررہی تھی۔

مہاراشٹر کے دارالحکومت ممبئی میں واقع بین الاقوامی ایئرپورٹ پر دبئی سے آرہی ایک خاتون سے تقریباً چار سو اکیاسی گرام (چوبیس قیراط) سونا ضبط کیا ہے۔

کسٹم افسران نے بتایا کہ ایئرپورٹ پر نصب اسکینر سے بچنے کی کوشش میں ملزمہ گرفتار کی گئی، خاتون کی تلاشی دوران تقریباً نصف کلو سونا برآمد کیا گیا جسے کاربن پیپر میں لپیٹ کر اور اسے چاکلیٹ کے ڈبوں میں چھپا کر اسمگل کرنے کی کوشش کی جارہی تھی۔

ملزم خاتون کو سونا اسمگلنگ کرنے کی پاداش میں متعدد دفعات کے تحت گرفتار کرلیا گیا ہے۔

واضح رہے کہ اس سے قبل حیدرآباد ایئرپورٹ پر کسٹم افسران نے سونا اسمگل کرنے کے معاملے میں ایک دیگر خاتون کو گرفتار کیا تھا۔ اس خاتون کے قبضے سے کسٹم افسران نے چورانوے لاکھ مالیت کا تقریباً دو کلو سونا ضبط کیا تھا۔