ریاست مہاراشٹر کے ضلع تھانہ کی انتظامیہ کی جانب سے منگل کی رات جاری اعداد وشمار کے مطابق گذشتہ 15 دنوں میں کورونا کیسز اور اس کی زد میں آ کر مرنے والوں کی تعداد میں دوگنا اضافہ ہوا ہے جبکہ گذشتہ ماہ یہ تعداد چوگنی ہو گئی ہے۔
انتظامیہ کے مطابق ضلع میں یکم مئی کو کورونا کیسز اور اموات کا تناسب 17.008:521 تھا جو یکم جون کو بڑھ کر علی الترتیب 8.665:273 ہو گیا اور 30 جون کو دونوں کا تناسب 33.324: 1.064 تک پہنچ گیا۔
بریفنگ میں بتایا گیا کہ سب اربن کلیان مئی کی شروعات سے ہی سب سے زیادہ کورونا متاثرہ علاقہ ہے جہاں کورونا کے کیسز میں غیر یقینی اضافہ ہوا اور ہلاکتوں کی تعداد بھی مسلسل بڑھتی جا رہی ہے۔
انہوں نے بتایا کہ یکم مئی تک کلیان میں کورونا کے 169 کیسز تھے جبکہ جون کے آخر تک یہ تعداد بڑھ کر 6575 تک پہنچ گئی۔ اس دوران تھانے شہر میں اسی مدت میں کورونا متاثرین کی تعداد 344 تھی جو 30 جون تک بڑھ کر 8772 تک پہنچ گئی۔
علاوہ ازیں بھیونڈی، میرا بھیندر اور نوی ممبئی میں مئی۔ جون میں کورونا کیسز کا تناسب علی الترتیب 13:1,914, 161:3,326، اور 250: 6,605 تھا۔
گذشتہ 15 دنوں میں متاثرین اور مرنے والوں کی تعداد میں کئی اضافہ ہوا ہے۔
شہری انتظامیہ نے نئے اعداد و شمار کے سامنے آنے سے کیسز کی سنگینی کے پیش نظر تھانے، میرا بھیندر اور اب کلیان دومبیولی میں 10 دن کا لاک ڈاؤن نافذ کر دیا ہے۔ اسی طرح بھیونڈی اور نوی ممبئی اور کچھ ممنوعہ علاقوں میں لاک ڈاؤن لگا یا گیا ہے۔
