مہاراشٹر پردیش کانگریس کمیٹی نے بھیونڈی میونسپل کارپوریشن کے میئر الیکشن میں پارٹی کے امیدوار کے خلاف ووٹنگ کرنے والے اٹھارہ کارپوریٹرز کے خلاف کارروائی کرنے کو کہا ہے۔
ایم پی سی سی نے بھیونڈی میونسپل کارپوریشن میں پارٹی کے ہاؤس لیڈر کو ان کارپوریٹرز کے خلاف کارروائی کرنے کی ہدایت دی ہے۔
اس طرح کی خبر ہے کہ میئر کے الیکشن میں کانگریس کے اٹھارہ کارپوریٹرز نے بی جے پی حمایت یافتہ امیدوار کے حق میں ووٹ دیا۔
مزید پڑھیں: بھیونڈی کارپوریشن میں کانگریس اور شیوسینا کو دھچکا
بھیونڈی میونسپل کارپوریشن میں میئر اور ڈپٹی میئر کے انتخاب میں کونارک وکاس اگھاڑی اور بی جے پی کے حمایت یافتہ امیدوار کامیاب ہوئے اور کانگریس ۔ شیوسینا اتحاد کے امیدواروں کو شکست کا سامنا کرنا پڑا۔
