ساڑھے پانچ برس کے دھیر راج کو ممبئی کے ہندوجا اسپتال میں اسپاینل مسکلر اسٹروفی نام کی بیماری کے اعلاج کے لئے ایڈمٹ کیا گیا تھا۔ اعلاج کرنے والے ڈاکٹر نے کہا کہ انجیکشن لگنے کے بعد دھیر راج کی طبیعت اب ٹھیک ہے اور جلد ہی اسے ڈسچارج کر دیا جائیگا۔
ایک پرانی بیماری سے جوجھ رہے گجرات کے پانچ مہینے کے بچے کو سوئیزرلیند سے 16 کروڑ روپے کا زولگنسما نام کا انجیکشن دیا گیا ہے۔ اب یہ بچہ پوری طرح سے صحت یاب ہو چکا ہے۔ جلد ہی اسے ڈسچارج کیا جائے گا۔
دھیر کا تعلق گجرات کے شہر احمدآباد سے ہے۔ پیدا ہونے کے بعد دھیر کے والدین کو یہ محسوس ہوا کہ دھیر کا ہاتھ پیر کام نہیں کر رہا جس کے بعد انہوں نے جانچ کرائی۔ جانچ رپورٹ میں دھیر کی بیماری کا خلا صہ ہوا۔ اس بیمار کے علاج کے لئے 16 کروڑ روپے کے انجیکشن کی ضرورت تھی۔ دھیر کے والد راجدیپ سنگھ راٹھور نے سوشل سائٹس پر اس کی اپیل کی اور عوام سے مالی تعاون کی درخواست کی۔
یہ بھی پڑھیں: 'حکومت ریمڈیسیویر کی بلیک مارکیٹنگ پر روک لگانے کے لئے سخت اقدامات کرے گی'
اُنکی اس اپیل پر سوشل سائٹس کے ذریعے لوگوں نے مالی تعاون کرنا شروع کیا اور اس تعاون کے بعد 16 کروڑ روپے کی رقم اکٹھا ہو گئی۔ ڈاکٹر نے زولگنسما انجیکشن منگایا جسکی قیمت 16 کروڑ روپے تھی اور اسے دھیر کو لگایا۔ بھارتی حکومت نے اس انجیکشن پر لگنے والے ساڑھے چھ کروڑ کی کسٹم ڈیوٹی معاف کر دی۔
جین تھراپی کا یہ انجیکشن سوٹزرلیند کی فارما کمپنی نواٹیس سے ملا۔ دھیر کے انجیکشن کے لئے جمع کی گئی رقم کے لئے دھیر کے والد نے کراؤڈ فنڈنگ کا سہارا لیا۔ محض دو مہینے کے دوران دو لاکھ چونسٹھ ہزار چھ سو ساٹھ لوگوں کی مدد کے بعد سولہ کروڑ چوبیس لاکھ پینتیس ہزار چھ سو پچپن روپے کی رقم جمع ہوئی۔ اس مدد کے بعد دھیر کی نہ صرف جان بچائی گئی بلکہ اسپتال انتظامیہ نے کہا کہ یہ پوری طرح ٹھیک ہے۔ جلد ہی دھیر کو ڈسچارج کر دیا جائیگا۔
