بھارت میں موجودہ وقت میں 30 کروڑ لوگ اسمارٹ فون کا استعمال کر رہے ہیں، دنیا کے دوسرے ممالک کے مقابلے میں بھارت میں یہ تعداد کافی زیادہ ہے۔
مہاراشٹر سائبر سیکیورٹی انچارج یشسوی یادو نے بتایا کہ نوجوان نسل ان دنوں اسمارٹ فون کی بدولت انٹرنیٹ کا استعمال زیادہ کر رہی ہے، بلکہ یہ کہنا درست ہوگا کہ اسمارٹ فون کی وجہ سے انٹرنیٹ صارفین کی تعداد میں دن بہ دن اضافہ ہوتا جا رہا ہے لیکن اس دوران انٹرنیٹ پر موجود پورن سائٹس اور دوسری ایسی سائٹس ہیں جن کو انٹرنیٹ کے ذریعہ نوجوان نسل اپنے اسمارٹ فون سے دیکھتے ہیں۔
انھوں نے کہا کہ ایسی بہت سی فحش اور چائنیس سائٹس ہیں جس پر بھارت میں پابندی عائد کی گئی ہے، باوجود اس کے نوجوان نسل اسے وی پی این کے ذریعہ دیکھ رہے ہیں۔
یشسوی یادو نے کہا کہ اس وجہ سے نوجوان نسل کئی سارے ریکٹ اور کرائم کا حصہ بن جاتے ہیں، کیونکہ اس طرح کی سائٹس سے ہی نوجوان نسل کے اندر جرم پنپتا ہے اور جو وہ انٹرنٹ پر دیکھتے ہیں حقیقی دنیا میں یا ذاتی زندگی میں اس پر عمل کرتے ہیں۔
ماہرین کہتے ہیں کہ والدین کو چاہئے کی وہ انٹرنیٹ سرگرمیوں کو لیکر ہمیشہ بچوں پر نظر رکھیں، ماں باپ کو یہ جانکاری ہونی چاہئے کہ ان کے بچے انٹرنیٹ پر کہیں غیر ضروری سائٹس یا فحش سائٹس تو نہیں دکھتے، جس کی وجہ سے کوئی بھی جرم کی واردات انجام دے سکتے ہیں، اس کے ساتھ ساتھ بچوں کو انٹرنیٹ کے فائدے اور نقصان کے بارے میں بتائیں۔
