ریاست مہاراشٹر کے ضلع اورنگ آباد میں کورونا کا قہر مسلسل بڑھتا ہی جا رہا ہے اور کووڈ 19 سے ہلاک ہونے والوں کی تعداد اب 12 ہو گئی ہے۔
اورنگ آباد میں کورونا وائرس کے 17 نئے معاملے سامنے آئے ہیں جس کے بعد مریضوں کی کل تعداد 376 ہو گئی ہے۔
یہاں 13 مارچ کو پہلا مریض ملا تھا۔ 27 اپریل کو اچانک ایک ہی دن میں 42 مریض ملے تھے۔ اس کے بعد لگاتار یہ تعداد برھتی ہی جا رہی ہے اور اب 17 مریضوں کی رپورٹ مثبت آنے کے بعد یہ تعداد 376 ہو چکی ہے۔
اورنگ آباد میں اب تک 6548 مشتبہ مریض پائے گئے ہیں جس میں سے کل تک 1860 افراد کو علاج کے لیے اسپتالوں میں داخل کیا گیا ہے۔
ضلع میں اب تک 4417 افراد کے نمونوں کی جانچ کی جا چکی ہے جس میں سے کل 35 نمونے مثبت پائے گئے تھے۔
