دہلی کی طرز پر اترپردیش کو بہتر ریاست بنائیں گے: جیت سنگھ

اترپردیش کے مرادآباد میں عام آدمی پارٹی کے ریاستی صدر نے کہا کہ کورونا وبا کے دوران پوری دنیا پریشان تھی، ہر کوئی مدد کے لئے سرکار کی طرف امید بھری نظر سے دیکھ رہا تھا، اس وقت بی جے پی حکومت نے نااہلی و ناکامی کا مظاہرہ کیا۔

مرادآباد: اتر پردیش کے مرادآباد پہنچے عام آدمی پارٹی کے صوبائی صدر سبھا جیت سنگھ نے میڈیا سے بات چیت کرتے ہوئے کہا کہ عام آدمی پارٹی ریاست کی سبھی سیٹوں پر امیدوار اتارے گی اور الیکشن لڑے گی۔

سبھا جیت سنگھ نے کہ کورونا وبا کے دوران پوری دنیا پریشان تھی، ہر کوئی مدد کے لیے سرکار کی طرف امید بھری نظر سے دیکھ رہا تھا اس وقت بی جے پی حکومت نے نااہلی و ناکامی کا مظاہرہ کیا۔

دہلی میں کیجریوال سرکار نے عوام کے لئے بہتر کام کیے ہیں۔ جیسے تعلیم، صحت، روزگار اور دو سو یونٹ بجلی فری مہیا کر رہے ہیں۔ ہم اتر پردیش میں دہلی ماڈل لاکر اتر پردیش کو ایک بہتر ریاست بنائیں گے۔