'ہولی تن و من کی برائی دور کرنے کا دن'

آج پورے ملک میں ہولی کا تہوار منایا جارہا ہے لوگ ایک دوسرے کو ہولی کی مبارکباد باد پیش کر رہے ہیں۔ رنگوں کے اس تہوار پر مرادآباد کے رکن اسمبلی و میئر نے آپسی بھائی چارے کا پیغام دیا ہے۔

ریاست اتر پردیش کے مرادآباد کے بی جے پی رکن اسمبلی رتیش گپتا نے آج اپنی یوم ولادت کے ساتھ ہولی کا تہوار منایا اور ہولی کی مبارکباد پیش کی۔

اس کے ساتھ ہی مرادآباد مہانگر میئر ونود اگروال نے بھی ہولی کی مبارکباد پیش کرتے ہوئے آپسی بھائی چارے کا پیغام دیا۔

ونود گپتا نے کہا کہ ہولی کے اس موقع پر من اور تن کی برائی کو دور کرنے کا موقع ہے۔ ہم یہ عزم کرتے ہیں کہ نئے مرادآباد کی تعمیر میں برابر کے شریک ہوں۔

انہوں نے یہ بھی کہا کہ کورونا وائرس کے تئیں احتیاط بھی برتیں۔