ملزم کے اہل خانہ کا پولیس پر حملہ

ہائی کورٹ کے نوٹس پر گھر پر سمن تعلیم کرانے گئی پولیس ٹیم پر گھر کی خواتین و متعدد لوگوں نے پولیس کی گھیرا بندی کر پتھراؤ کر دیا اور صرف اتنا ہی نہیں خواتین نے پولیس اہلکاروں کی آنکھوں میں مرچ پاؤڈر بھی ڈالا۔ اس حادثے میں ایک ایس آئی زخمی ہوگئے۔ فی الحال پولیس نے پانچ نامزد ملزمان کو گرفتار کرلیا ہے جبکہ ایک درجن بھر ملزمان کے خلاف مقدمہ درج کرلیا ہے۔

یہ معاملہ بجنور کے علینگر کا ہے جہاں پولیس ٹیم گذشتہ رات الہ آباد ہائی کورٹ کے حکم کے مطابق ہیبیئس کاپرس رٹ کے معاملے میں جانکاری کے لیے ملزم کے ہائی کورٹ میں پیش ہونے کے لیے سمن تعلیم کرانے گئی تھی۔ اسی دوران ملزم کے گھر والوں نے پتھراؤ کر دیا، خواتین نے مرچ پاؤڈر پولیس اہلکاروں کی آنکھوں میں جھونک دیا- بمشکل پولیس موقع واردات سے نکل پائی-

بھاری فورس لے جانے کے بعد پولیس نے پانچ لوگوں کو گرفتار کر سنگین دفعات میں معاملہ درج کر لیا ہے۔ فی الحال پولیس نے گاؤں میں بھاری تعداد میں فورس تعینات کر دی ہے۔