غیر قانونی کانکنی کے خلاف آواز اٹھانے والے سادھو کی مشتبہ حالت میں موت

ریاست اترپردیش کے مرادآباد میں گنگا ندی میں ہونے والی غیر قانونی کانکنی کی پولس سے شکایت کرنے والے بابا سنت رام داس کی مشتبہ حالات میں موت ہوگئی۔

بابا سنت رام داس گنگا ندی میں ہونے والی غیر قانونی کانکنی کے خلاف کافی وقت سے اعلیٰ افسران سے شکایت کر رہے تھے لیکن جب انکی شکایت پر کوئی کارروائی نہیں ہوئی تو بابا سنت رام داس نے سوشل میڈیا پر یہ غیر قانونی کام کرنے والی گاڑیوں کی ویڈیو بناکر وائرل کر دی۔

تھانہ گلشید علاقے کے ایک مندر میں بابا سنت رام داس کی لاش ملنے سے سراسیمگی پھیل گئی ہے۔ پولس نے لاش کو پوسٹ مارٹم کے لیے بھیج دیا اور رپورٹ کو انتظار کر رہی ہے۔