مجلس اتحاد المسلمین کے رہنما وارث پٹھان کے متنازع بیان کی وجہ سے ریاست اترپردیش کے ضلع سنبھل میں ناراض ہندو تنظیم بجرنگ دل اور وشو ہندو پریشد کے کارکنان نے وارث پٹھان کے خلاف نعرے بلند کرتے ہوئے پتلا نذر آتش کیا گیا۔
وشو ہندو پریشد کے ضلع صدر اجے شرما نے کہا کہ وارث پٹھان کا بیان ہندو مسلم مخالف ہے جس کی وجہ سے ہم اسکی مخالفت کرتے ہیں اور ایسی سوچ والوں کو ہم پتلا نذر آتش کررہے ہیں۔
واضح رہے کہ آل انڈیا مجلس اتحادالمسلمین کے قومی ترجمان وارث پٹھان نے حکومت کے خلاف جاری مسلمانوں کے احتجاجی مظاہرے پر اعتراض ظاہر کرنے والوں پر حملہ کرتے ہوئے بغیر کسی مذہب کا نام لیے کہا کہ 'ملک میں مسلمانوں کی تعداد اگرچہ 15 کروڑ ہیں لیکن ضرورت پڑنے پر وہ 100 کروڑ پر بھاری پڑیں گے۔' لیکن لوگوں کی زبردست تنقید کے بعد وارث پٹھان نے ایک پریس کانفرنس سے خطاب کرتے ہوئے کہا کہ 'میرا مقصد کسی طبقہ کے جذبات کو مجروح کرنا نہیں تھا اور میرا بیان ہندو مخالف نہیں تھا۔'
