مرادآباد: ضعیف خاتون کا ایس ایس پی دفتر کے باہر دھرنا

خاتون نے گاؤں کے پردھان کے چچا پر زمین پر قبضہ کرنے کا الزام لگایا ہے۔

اتر پردیش کے مرادآباد تھانہ چھجلیٹ علاقے کے گاؤں جوگی سیاہلی کی باشندہ 65 سالہ جگوتی نے اپنے ہی گاؤں کے پردھان کے چچا پر زمین پر قبضہ کرنے کا الزام لگایا ہے۔ جگوتی نے اپنی زمین کو واپس دلانے کے لئے ایس ایس پی پربھاکر چودھری سے انصاف کی گہار لگائی ہے۔

آج اکھل بھارتیہ والمیکی مہا سبھا تنظیم کے کارکنوں کے ساتھ مل کر ایس ایس پی دفتر پر احتجاج کر کے جگوتی نے میڈیا کو بتایا کہ اس کی زمین پر گاؤں کے ہی کچھ زمین مافیاؤں نے قبضہ کر لیا جبکہ اس کے پاس زمین کے کاغذات موجود ہیں لیکن ان کی سنوائی پولیس چوکی انچارج اور تھانے دار نہیں کررہے ہیں۔