مرادآباد: اتر پردیش اقلیتی کمیشن کے چیئر مین اشفاق سیفی آج مرادآباد کے سرکٹ ہاؤس پہنچے اور وہاں انہوں نے ڈی ایم شیلیندر کمار سنگھ کے اور ضلع انتظامیہ کے اعلی افسران اور پولس محکمہ کے ساتھ میٹنگ کی۔
اس دوران اتر پردیش اقلیتی کمیشن کے چیئر مین نے میڈیا سے بات چیت کرتے ہوئے کہا کہ مسلمانوں کے لیے دینی تعلیم کے ساتھ عصری تعلیم بھی بے حد ضروری ہے۔
اشفاق سیفی کا کہنا ہے مرکزی اور ریاستی حکومت اقلیتوں کے فلاح و بہبود کے لیے مختلف طرح کے منصوبے چلائے جا رہے ہیں۔ لہذا ہمیں ان منصوبوں کا فائدہ اٹھانا چاہیے۔
انہوں نے کہا کہ جس طرح سے ہم قرآن کریم کی تعلیم حاصل کرتے ہیں اسی طرح سے ہمیں ہندی انگلش میتھ اور سائنس کی تعلیم حاصل کرنی چاہیے۔ تبھی ہم آگے جا کر ڈاکٹر، انجینئر اور آئی ایس بن سکتے ہیں۔
انہوں نے مزید کہا کہ ریاستی حکومت کی اولین ترجیح یہ ہے کہ سماج کے تمام طبقات کے بچوں کو معیاری تعلیم ملے اور نوجوانوں کو روز گار ملے۔
مزید پڑھیں:
اترپردیش: اشفاق سیفی یوپی اقلیتی کمیشن کے چیئرمین منتخب
انہوں نے کہا کہ حکومت اقلیتوں کے فلاح و بہبود کے لیے مختلف طرح کی منصوبے چلا رہی ہے جس سے اقلیتی طبقات کو فائدہ اٹھانے کی ضرورت ہے۔
