درگاہ حضرت سلطان صاحب میں ہوئی فاتحہ میں موجود لوگوں نے فاتحہ کے بعد ملک کی ترقی امن و امان اور ملک سے کورونا جیسی بیماری سے جلد سے جلد نجات پانے کے لیے دعائیں مانگیں۔
درگاہ ہحضرت سلطان صاحب کے سجادہ نشین حضرت سید نعیم چشتی نے ای ٹی وی بھارت سے بات چیت کرتے ہوئے بتایا کہ پیران کلیر درگاہ صابر پاک کے 16 ویں سجادہ نشین حضرت شاہ منصور اعجاز صابری کے انتقال کے بعد علی شاہ میاں کو درگاہ صابر پاک کا سجادہ نشین بنایا گیا ہے۔
سید نعیم چشتی نے مزید بتایا کہ پیر کے دن رات تقریبا دو بجے دہرادون کے ایک ہوسپٹل میں حضرت شاہ منصور اعجاز صابری کا انتقال ہوا تھا۔ اسی سلسلے کے تعلق سے آج مراد آباد کی درگاہ سلطان صاحب میں ان کے سوئم کے پروگرام کا اہتمام کیا گیا اور فاتحہ پڑھی گئی۔
حضرت شاہ منصور اعجاز صابری کے سوئم میں جو لوگ کلیئر صابر پاک نہیں جا سکے، آج انہوں نے یہاں آکر ان کے سوئم میں شرکت کر ان کی مغفرت کے لیے دعائیں کی۔
سید نعیم چشتی نے آگے بولتے ہوئے کہا کہ حضرت کے پیغام ہمیشہ سے یہی رہے ہیں کہ آپسی بھائی چارہ بنا کر رکھیں اور انسانیت کا پیغام دیں، نماز اور روزے کے پابند رہیں۔
