ریاست اتر پردیش کے مرادآباد میں لگاتار مذہبی رہنما عوام سے کورونا ویکسین لگائے جانے کے لیے لوگوں سے اپیل کررہے ہیں۔ تو دوسری جانب جمعیت علماء ہند کے مرادآباد صدر مولانا محمد قاسمی صاحب نے ای ٹی وی بھارت سے بات چیت کرتے ہوئے بتایا کہ نمائندہ اجتماع کے نام سے ہماری ایک مہم چلائی جارہی ہے اور اس مہم کے تحت کیمپ لگاکر ڈاکٹروں کے ذریعے لوگوں کو کورونا ویکسین لگائی جارہی ہے۔
مولانا محمد یحییٰ قاسمی نے آگے بات چیت کرتے ہوئے بتایا کہ کورونا ویکسین کو لے کر کسی کے بھی بہکاوے میں نہ آئیں افواہوں پر دھیان نہ دیں بلکہ کورونا وائرس بیماری سے نجات کے لئے اپنا ویکسینیشن کرائیں اور دوسروں کو بھی ویکسین کے لئے بیدار کریں۔
یہ بھی پڑھیں:مرادآباد- آشیانہ بنائے جانے کی مانگ
انہوں نے مزید کہا کہ کورونا ویکسین صرف ایک دوائی نہیں بلکہ ایک 'سیفٹی کوَچ' حفاظتی سامان ہے۔
