محرم کی عزاداری کا سلسلہ جاری

محرم کا چاند نمودار ہونے کے بعد پوری دنیا میں عزاداری شروع ہوچکی ہے، جگہ جگہ امام باڑے میں مجالس کا سلسلہ جاری ہے۔

اترپردیش کے ضلع مرادآباد کے آزاد نگر میں اس مجلس کو مولانا رئیس الحسن سرسوی نے خطاب کیا، دس روز تک ہونے والی مجالس کے سلسلہ کی یہ تیسری مجلس تھی۔

مجلس کے دوران مولانا رئیس الحسن صاحب نے نواسہ رسولﷺ حضرت امام حسین علیہ السلام کی قربانیوں کو یاد کیا اور بتایا حضرت محمد مصطفیﷺنےفرمایا 'میں تمہارے بیچ دو اہم چیزیں چھوڑ کر جارہا ہوں ایک اللہ کی کتاب اور دوسرے میرے اہل بیت جب تک تم ان دونوں سے جڑے رہو گے تب تک تم گمراہ نہیں ہو سکتے' اور یہ دونوں ایک دوسرے سے کبھی جدا نہیں ہوں گے۔
مجلس کے بعد نوحہ خوانی ماتم سینہ زنی کا سلسلہ شروع ہوا۔