اس تعلق سے اتر پردیش کے ضلع مرادآباد میں آزاد نگر میں واقع امام بارگاہ میں ہر برس کی طرح اس برس بھی حضرت امام حسین علیہ السلام کی یاد میں ایک مجلس کا انعقاد کیا گیا۔ اس مجلس کو مولانا فرمان حیدر نے خطاب کیا اور مرثیہ خوانی کے فرائض عباس حیدر زیدی اور ان کے ہمنواؤں نے انجام دیئے۔
مجلس سے خطاب کرتے ہوئے مولانا فرمان نے کہا کہ' نواسۂ رسولؐ حضرت امام حسین علیہ السلام نے 28 رجب کو مدینہ سے کربلا کے لئے اپنا سفر شروع کیا تھا۔ اس سفر میں امام حسین علیہ السلام کے ساتھ خواتین اور چھوٹے بچّے بھی شامل تھے۔
امام کا یہ قافلہ دو محرم کو کربلا وارد ہوا۔ محرم کی سات تاریخ کو ان پر پانی بند کردیا گیا اور دسویں محرم کو یعنی روز عاشورہ امام حسین علیہ السلام کو ان کے انصار اولاد اور اصحاب کے ساتھ شہید کردیا گیا۔
مجلس کے بعد آزاد نگر کی مقامی انجمن نے نوحہ خوانی اور سینہ کوبی کی۔ نوحہ خوانی کے فرائض راجو نے انجام دیئے۔
