ریاست اتر پردیش کے ضلع مرادآباد کے جبار کالونی علاقے میں جماعت اسلامی ہند کے زیر اہتمام اسلام میں وراثت کے موضوع پر پروگرام کا انعقاد کیا گیا۔
پروگرام کا عنوان 'وراثت اسلامی نقطہ نظر اور جہیز نہیں وراثت دو' جلسہ میں مقامی اور بیرونی خواتین عالمہ اور مقررین نے شرکت کر اپنی تقریر کے ذریعہ بتایا کہ جہیز اسلامی شریعت نہیں ہے اسلام نے خواتین کو وراثت میں حصہ دینے کا حکم دیا ہے۔
تقریر کے دوران عالمہ نے بتایا کہ آج مسلمان شریعت کے خلاف جاکر اپنی بیٹیوں کو جہیز تو دیتے ہیں لیکن وراثت میں حصہ نہیں دیتے۔ انہوں نے مزید کہا کہ ہر مسلمان کو شریعت پر عمل کرتے ہوئے اپنی بیٹیوں کو جہیز نہ دیں بلکہ شریعت پر عمل کرتے ہوئے اپنی بیٹیوں کو ان کا حق اپنی وراثت میں سے دیں۔
لڑکیوں کی اعلی تعلیم پر تقریر کرتے ہوئے کہا ہمیں اپنی بیٹیوں کو آج کے جدید تعلیمی دور میں اعلی سے اعلیٰ تعلیم فراہم کرانی چاہیے جس سے لڑکی کو اپنا حق حاصل ہو سکے اور جدید تعلیم حاصل کرنے کے بعد لڑکیاں اعلیٰ عہدوں پر پہنچ سکیں۔
