غیر قانونی اسلحہ بنانے والے گروہ کا پردہ فاش

امروہہ کے رجب پور تھانہ کی پولیس نے غیر قانونی اسلحہ بنانے والی ایک فیکٹری سے ایک شخص کو گرفتار کیا ہے۔

ریاست اتر پردیش کے ضلع امروہہ کی رجب پور پولیس نے بڑی تعداد میں غیر قانونی اسلحہ کے ساتھ ایک شخص کو گرفتار کیا ہے۔

پورے معاملے کا انکشاف کرتے ہوئے امروہہ ضلع کے ایڈیشنل سپرٹنڈٹ پولیس اجے پرتاپ سنگھ نے بتایا کہ' رجب پور تھانہ کے انسپکٹر نے اپنی ٹیم کے ساتھ چھاپہ مارکر فیاض نگر کے پاس بنے ایک مکان میں غیر قانونی اسلحہ بنانے والی فیکٹری پر چھاپہ مارکر ایک شخص کو یہاں سے حراست میں لیا ہے۔

اے ایس پی اجے پرتاپ سنگھ نے بتایا کہ ' پولیس نے موقع پر اسلحہ بناتے ہوئے اوم پال نام کے شاطر جرائم پیشہ کو گرفتار کیا ہے۔ اس کے پاس سے 8 غیر قانونی اسلحہ، کارتوس اور اسلحے برآمد ہوئے ہیں، اجے پرتاپ سنگھ نے بتایا کی پکڑے گئے ملزمین پر پہلے سے 2 مقدمے درج ہیں۔ اس بڑی کامیابی پر پولیس اہلکاروں کو انعام دینے کا بھی اعلان کیا گیا۔