سابق ریاستی وزیر فاروق حسن مرادآباد پہنچنے پر سماج وادی پارٹی کے کارکن اور عہدیداروں نے فاروق حسنFarooq Hassan کی گل پوشی کی اوراستقبال کیا۔
فاروق حسن نے بتایا کہ یوپی مانگے اکھلیش نعرے کے تحت آج ہم مرادآباد پہنچے ہیں۔ فاروق حسن نے کہا سماجوادی پارٹی کی حکومت میں عوام کے لیے چلائے گئے منصوبوں کو بتانے کے لئے ہم عوام کے بیچ پہنچ رہے ہیں اور بتا رہے ہیں کی اکھلیش یادو کی حکومت میں عوام کو سہولیات دینے کے لئے جو منصوبے بنائے گئے تھے موجودہ حکومت نے ان منصوبوں کا نام بدل کر ہمارے کام کو اپنا بتا رہی ہے۔
اترپردیس کے انتخابات میں مسلم چہرے کے طور پر پہچانے جانے والے اعظم خان جیل میں ہیں تو پھر اس انتخابات میں مسلم چہرہ کون ہوگا۔ اس سوال پر کہا کہ اعظم خان جیل کے اندر ہو یا جیل کے باہر ہماری پارٹی میں مسلم چہرہ اعظم خان ہے اور اعظم خان ہی رہیں گے اعظم خان کی جگہ کوئی اور نہیں لے سکتا۔
کچھ ہی دن میں اکھلیش یادؤ کی حکومت بننے جا رہی ہے عوام بھی چاہتی ہے کہ اکھلیش یادو کو وزیر اعلی ہونا چاہیے۔
