مرادآباد: باپ نے بیٹے کو گولی مار کر کیا ہلاک

بیٹے کی اہلیہ نے نے سسر پر جنسی زیادتی کی کوشش کا الزام لگاتے ہوئے کہا کہ تین دن قبل سسر نے اس کے ساتھ زبردستی کرنے کی کوشش کی تھی جس کو لیکر باپ بیٹے میں جھگڑا ہو رہا تھا۔

اتر پردیش کے ضلع مرادآباد کے مجھولہ تھانہ حلقہ کے ہنومان نگر میں ایک سیکیورٹی گارڈ نے اپنے ہی بیٹے کو دو گولی مار کر موت کے گھاٹ اتار دیا۔ موقع پر پہنچی پولس نے لاش کو قبضے میں لیکر پوسٹ مارٹم کے لئے بھیج دیا ہے۔

ایس پی سٹی امت آنند نے بتایا کہ معاملے کی جانچ پڑتال کی جا رہی ہے۔

دشینت شرما کی شادی پچھلے سال جنوری مہینے میں ہوئی تھی۔ دشینت شرما کی اہلیہ نے اپنے سسر وریندر شرما پر الزام لگاتے ہوئے بتایا کہ اسکا سسر اس پر بری نیت رکھتا تھا۔ تین دن پہلے گھر کے سبھی لوگ ایک شادی پروگرام میں گئے ہوئے تھے، اسی دوران سسر نے بہو کے ساتھ عصمت دری کرنے کی کوشش کی۔

اس بات کی جانکاری جب دشینت شرما کو ہوئی تو گھر میں جھگڑا شروع ہوگیا جھگڑے کے دوران وریندر شرما نے اپنے ہی بیٹے دشینت شرما کو دو گولی مار کر موت کے گھاٹ اتار دیا۔